Կհաշվարկենք այն քաշը, որը նորմայի մեջ է ձեր հասակի հետ:
օր եթե հասակը 182 սմ է, իսկ քաշը` 66 կգ:
Բանաձևը հետեվյալն է.
Նորմալ քաշի գործակից= քաշ / հասակի (2x) = 66 / 1.82 x 1.82= 19.925~20
Եթե նորմալ քաշի գործակիցն ընկած է 19-25 –ի միջակայքում, ապա ձեր քաշը գտնվում է նորմայի մեջ: Եթե այն ավել է 25-ից, ապա դուք ունեք ավելորդ քաշ, որը բացասաբար է ազդում օրգանիզմի նորմալ կենսագործունեության վրա:
Գոյություն ունի նաև այլ բանաձև, որի շնորհիվ կարող եք հաշվարկել ձեր հասակին համապատասխանող նորմալ քաշը:
Օրինակ.
(182-100)- (182-150)/2 = 66 կգ
Ճարպակալումն առաջանում է նյութափոխանակության խախտման հետեվանքով: Էներգիան ավելի շատ պահեստավորվում է, քան ծախսում: Այս խախտումը տեղի է ունենում ելնելով հետևալ պատճառներից. ոչ ռացիոնալ սննդակարգ, երկարատև քուն եվ այլն:
Ճարպակալումից խուսափելու ամենակարևոր լուծումներից է ճիշտ սննդակարգը: Բայց սա չի նշանակում, որ պետք է կտրուկ սահմանափակել ուտելը: Ամենեվին: Քաշի արագ փոփոխությունը շատ վատ է անդրադառնում օրգանիզմի գործունեության վրա, քանի որ այն սովոր է իր քաշին, որը կուտակել է աստիճանաբար: Խորհուրդ է տրվում ուտել հաճախ, բայց ոչ շատ: Նպատակահարմար է 3-4 ժամ`ընդմիջումներով:
* Երեկոյան, նամանավանդ ուշ ժամերին մի՛ ընդունեք ծանրամարս, ճարպոտ սնունդ, քանի որ գիշերն օրգանիզմի նյութափոխանակությունը թուլանում է, իսկ մարսողությունը դժվարանում:
* Ցերեկային ժամերին օգտագործեք բուսական սնունդ, քանի որ դրա մարսման համար մեծ էներգիա է պահանջվում:
* Բարձրացրեք ձեր շարժունակության ինտենսիվությունը, շատ քայլեք, շարժվեք, ակտիվ կյանք վարեք, այլ ոչ թե ձեր օրվա մեծ մասն անցկացրեք հեռուստացույցի կամ համակարգչի դիմաց`մերթընդմերթ փոխելով ձեր դիրքը բազմոցի վրա կամ աթոռի վրա:
* Զբաղվեք սպորտով: Շատ առողջարար եվ տվյալ դեպքում օգտակար է լողը, որի միջոցով դուք կունենաք առողջ օրգանիզմ եվ կազատվեք ավելորդ քաշից:
* Ավելի արդյունավետ են երկար եվ քիչ ծանրաբեռնվածություն պահանջող ֆիզիկական վարժությունները:
* Վարեք ակտիվ եվ առողջ կենսակերպ: