Դասարանական աշխատանք
Ըստ կազմության նախադասությունները լինում են պարզ և բարդ:
Մեկ ստորոգյալ ունեցող նախադասությունը կոչվում է պարզ նախադասություն:
Մեկից ավելի պարզ նախադասություններից կազմված նախադասությունը կոչվում է բարդ նախադասություն:
1. Գտե՛ք պարզ և բարդ նախադասությունները:
Լեռներում ծնված ջրերը խեղդվում են օդում: պարզ
Երկնքում պտտվում են գորշ ամպեր, ու ձորով փախչում է գետը: – բարդ
Երբ նա կռացավ ու ճակատս համբուրեց, ես նրա բարի աչքերում արցունքներ տեսա: – բարդ
Ողջ գիշեր նրանք տարուբերվել էին անպարփակ ծովում: – պարզ
Պարզ նախադասությունները լինում են երկու տեսակ՝ համառոտ և ընդարձակ: Միայն ենթակայից և ստորոգյալից կամ միայն ստորոգյալից կազմված նախադասությունը պարզ համառոտ է:
Ենթակա , ստորոգյալ և լրացումներ ունեցող նախադասությունները կոչվում են պարզ ընդարձակ:
Ենթակային և ստորոգյալին լրացնող անդամները կոչվում են երկրորդական անդամներ (լրացումներ):
2. Գրի՛ր պարզ համառոտ նախադասություններ:
Մարզիկը վազում է։
Ես ուշացա։
Արևը բացվեց։
Վարդը բացվեց։
3. Պարզ համառոտ նախադասությունները դարձրո՛ւ պարզ ընդարձակ:
Գարունը արագ եկավ։
Մենք բանակցություններ ենք անում և չենք լռում:
Տարիներն արագ անցան։
4. Բարդ նախադասությունները դարձրո՛ւ երկուական պարզ նախադասություններ:
Հարավային Աֆրիկայում կա մի բույս։ Այն հիմնականում թիթեռներով է սնվում:
Անգլիայում մեծ համարում ունի խոլորձ (օրխիդեա) ծաղիկը։Այն ունի չորս հազար տեսակ:
Նրանցից մի տեսակի հոտը շարունակ փոխվում է։ Այդ տեսակը առավել արժեքավոր է:
Մոնղոլիայի երկարակյացների միջին տարիքը գերազանցում է հարյուրը։ Նրանց մեջ չկա ոչ մի տղամարդ:
Ո՞ր տարիքից են երեխաները սկսում հեքիաթ սիրել: Արդեն գիտական պատասխան կա այդ հարցին։
5. Բարդ նախադասությունները դարձրո՛ւ երկուական պարզ նախադասություններ:
Շվեյցարացի գիտնականները էլեկտրոնային սարքավորումներով ստուգել են Լոզանի սիմֆոնիկ նվագախմբի հարյուրավոր երաժիշտների լսողությունը։ Նրանք պարզել են, որ զգալիորեն ավելի լավ վիճակում է չծխողների լսողությունը:
Ֆլորիդայի նահանգի գիտահետազոտական աշխատարանի գիտնականներին երկար տարիներ գիտափորձեր են կատարել։ Նրանց հաջողվել է արտազատել սատկած միջատի օդում արձակած քիմիական միացությունը։
Այդ միացությունը չափազանց ագրեսիվ է դարձնում մոտակայքում ինչ-որ տեղ գտնվող բոլոր մեղուներին և իշամեղուներին։
Կալիֆոռնիայի նահանգում անցկացված հետազոտությունների արդյունքները ցուցում են ծովային կենդանիների տեսակների ոչնչացում։ Դրա պատճառը Լոս Անջելեսի և Սան Դիեգոյի միջև գտնվող ատոմային էլեկտրակայանի ջրային հովացման համակարգն է։
6. Տեքստը փոխադրի՛ր պարզ նախադասություններով:
Հազար ինը հարյուր ութսունյոթ թվականի հունվարի մեկից Ֆինլանդիայում կենդանիների պաշտպանության վերաբերյալ նոր օրենք է ընդունվել։ Ըստ այդ օրենքի երկրի կրկեսներում փղերի ելույթներն արգելված են։ Արևադարձային երկրների այդ հյուրերը վատ են հաղթահարում Սուոմիի ցուրտ կլիման: Փղերը միակ «մերժվածները» չեն։ Բացի փղերից հիշատակվում են նաև ռնգեղջյուրները, զեբրերը, ջայլամները, կոկորդիլոսները և կապիկները: Ֆինլանդիան աշխարհում նման հակակրկեսային օրենք ընդունած առաջին երկիրն է: