Բագրատունյաց Հայաստանի տնտեսությունը։ Պետական կարգը։
Նկարագրել , համեմատել Հայաստանի 11-րդ դարի և 21-րդ դարի
- տնտեսությունը
- անասնապահությունը
- արհեստագործությունը
- առևտուրը
- պետական կառավարման համակարգը,
- բանակը
Տնտեսություն – նրանց շնորհիվ տնտեսությունը աճեց և զարգացավ։ Զարգացել էր հողագործությունը, գյուղատնտեսությունը, երկրագործությունը։ Նրանց ժամանակ հողերը սկսել էին մշակել։
Անասնապահություն – անասնապահությամբ զբազվում էին լեռնային տարածքներում։ Պահում են ՝և մեծ ՝և փոքր անասուններ։ Բագրատունիների ժամանակ անասնապահությունը շատ հարուստ ճյուղ էր։
Արհեստագործություն – արհեստագործները ունեին իրենց համար հողեր։ Արհեստագործությունը լավ տարածված և զարգացած էր Անի քաղաքում։ Արհեստագործները մեկը մյուսի հետ միավորվում էր։
Առևտուր – առևտուրը շատ կարևոր ճյուղ է, որ նույնպես զարգացած էր Հայաստանում։ Հայաստանը տարբեր պետությունների հետ ուներ առևտրական կապեր։ Մեր պետությունով անցնում էր երկու առևտրական ճանապարհ։
Պետական կառավարման համակարգը – պետությունը կառավարում էր թագավորը։ Թագավորը կառավարում էր պաշտոնյանների օգնությամբ։ Կարևոր հարցի դեպքում, թագավորը պետք էր քննարկել դրա մասին արքունիքի հետ։ Սպարապետը շատ կարևոր էր երկրի համար։ Իշխանաց իշխանի գործակալները հետևում էին պետության գանձերին։
Բանակ – զինվորները մոտ 100 հազար էին։ Բանակը կազմված էր երկու գնդերից՝ արքունական և մարզպանական։ Այն կազմված էր հեծելազորից և հետևակից։
Աղբյուրները՝ Հայոց պատմություն , 7-րդ դասարանի դասագիրք, էջ 103-107, համացանց
Լրացուցիչ աշխատանք
Հայկական գորգերի պատմությունը /եթե տանը ունեք հին գորգ, իր հետաքրքիր պատմությամբ, կարող եք գրել այդ գորգի պատմությունը/
Գորգ,զարդանախշերով, խավածածկ կամ առանց խավի քառանկյուն գեղարվեստական գործվածք։ Ծառայում է որպես փռոց, ծածկոց, վարագույր, բնակարանը տաքացնելու, զարդարելու ինչպես նաև ձայնակլանման համար։ Գորգերը հիմնականում հյուսում են թելերից։ Հանդիպում են նաև ասեղնագործ և գույնզգույն կտորներից կարված գորգեր։ Գործվածքի գեղարվեստական առանձնահատկությունները որոշվում են դրա մակերեսով (խավով կամ առանց խավի), նյութով (բուրդ, մետաքս, վուշ, բամբակ), չափսերով, զարդերիզի և կենտրոնական դաշտի փոխհարաբերությամբ, զարդանկարի բնույթով, հորինվածքով և գունային կառուցվածքով։ Գորգի ամենավաղ նմուշը գտնվել է Ալթայի Պազիրիկ կուրգանում և թվագրվում է Ք.ա. 5-րդ դար։ Մի շարք գիտնականներ գտնում են, որ այն ստեղծվել է Հայկական լեռնաշխարհում։
Հայերենում գորգ և կարպետ բառերն օգտագործվում են որպես հոմանիշ բառեր՝ միայն այն տարբերությամբ, որ գորգերն ունենում են թելախավ, իսկ կարպետները՝ ոչ։ Գորգ բառն առաջին անգամ հիշատակվում է Տավուշի Կապտավանք եկեղեցու պատին եղած արձանագրություններից մեկում (1242-1243 թվականներին), իսկ կարպետ բառն առաջին անգամ հիշատակվում է 5-րդ դարի Ավետարանում՝ գրաբարյան «կապերտ» ձևով։
Հայաստանում գորգագործությունը՝ իբրև արհեստ զարգացած է եղել դեռևս վաղնջական ժամանակներից։ Այս մասին են վկայում Արենի 1 քարայրում գտնված գործվածքները, մ. թ. ա. 5-րդ դարի թվագրվող պազիրիկ գորգը, ինչպես նաև հայկական գորգարվեստի մասին մի շարք պատմաբանների կողմից պահպանված հիշատակություններ։ Պատմական Հայաստանում գորգերն ու կարպետները համարվում էին առաջին անհրաժեշտության իրեր։ Դրանք փռում էին հատակին, կախում պատերից և գործածում որպես ծածկոց։ Գրեթե բոլոր բնակավայրերում գործում էին կարպետներ՝ քիլիմներ, ծածկոցներ, վարագույրներ, թամբեր, խուրջիններ, վերմակներ, աղի տոպրակներ, ձիու ծածկոցներ և գորգեր։ Այս արհեստն այնքան սերտ էր կապված առօրյա կյանքի հետ, որ այն իմանալը պարտադիր էր։ Գորգը նաև հայ աղջիկների օժիտի անբաժանելի մասն էր, ուստի վաղ հասակից նրանք սովորում էին այս արհեստն ու գործում իրենց օժիտի գորգերը։
Հայոց գորգերի տիպաբանության մեջ որպես տիպերի անվանումներ ընդունված են՝ այն տարածաշրջանի կամ բնակավայրի անվանումը, որին առավել բնորոշ է տվյալ տիպը, գորգադաշտի երկրաչափական ձևի անվանումը կամ գեղազարդման համակարգի թեմատիկ ուղղվածության կամ հիմնական հորինվածքի անունը։
Գորգագործական արվեստն իր ողջ պատմության ընթացքում մեծապես տուժել է արշավանքների, պատերազմների և հարևան տերությունների կողմից վարվող նվաճողական քաղաքականությունից։ Ցեղասպանության ընթացքում բազմաթիվ գորգեր կորսվել են՝ եկեղեցիները ոչնչացնելու կամ կողոպտելու պատճառով։
Հայկական գորգարվեստը Խորհրդային շրջանում տարածում է գտել նաև Եվրոպայի մի շարք անկյուններում։ Այսպես, 19-րդ դարի վերջին մի շարք հայ գորգագործներ հաստատվեցին Տրանսիլվանիայի Ղերլա քաղաքում և այդտեղ սկսեցին պատրաստել ու վերականգնել գորգեր։ 1915 թվականին Ցեղասպանությունից հետո մեծ քանակությամբ հայեր կրկին հաստատվել են Ռումինիայում։ Այսպիսով, երկրում ստեղծվել են բազմաթիվ արհեստանոցներ, իսկ 1950-ականներից սկսած՝ նաև գործարաններ։
Ներկայումս գորգագործության կենտրոններ են շարունակում մնալ Սյունիքն ու Արցախը։ Հատկանշական է, որ 2013 թվականին Շուշիում բացվեց Հայաստանի և Արցախի տարածքում գործող միակ գորգերի թանգարանը։ Հայաստանում և արտերկրում գոյություն ունեցող թանգարաններից բացի, հայկական գորգերը պահվում են անհատական հավաքածուներում, որոնց թիվը, ցավոք, հայտնի չէ։
Անի Քարամյան,Ավագ դպրոց,9-րդ դասարան 